 |
 |
 |
 |
 |
||
 |
||
 |
||
 |
|
|
| Moj Them/Home | Qub/Archives | Xov Xwm/News | Txog Peb/About Us | Pab Peb/Help Us | Nrhiav Peb/Contact Us | Nyiaj Pab Moj Them | Duab/Picture | Khw/Store | Txuas/Links |
|
|
|
|
|
|
||||||||||||||||||||||||||||
|
Hnub:
Monday (Vas Cas); Wednesday (Vas Phuv);
thiab
Friday (Vas Xuv)
Sij Hawm:
8:00AM - 8:30AM (8 teev sawv ntxov txog 8 teev
30
sawv ntxov)
Xov Tooj: 651-230-2422 Nplog
Liab Tua Hmoob Nyob Xeev Bokeo
Hnub tim 4 lub 7 hli no, tub rog Nplog liab tuaj vij ob peb lub zos Hmoob xws lub zos Xaychalern, zos Ban Xay, thiab zos Huia Khai, nyob xeev Bokeo. Lawv pib ntes cov pej xeem Hmoob, feem ntau yog cov muaj nyiaj, muaj vaj muaj tsev thiab muaj tsheb zoo. Ib txhia Hmoob thiaj tau khiav rau hav zoov hav tsuag. Nplog liab tau muab phom loj phom me thiab foob pob tua lawv ua rau ntau tus pej xeem Hmoob tau tag sim neej. Cov Hmoob thiaj tig nrog Nplog liab sib tua ob peb nplua ua rau Nplog liab kuj tuag ntau tus thiab. Raws li lawv hais, tej me nyuam yaus muaj yim xyoo rov saud ces raug tub rog Nplog liab muab ntes kaw rau hauv tej lub tsev. Cov laus ces Nplog liab thauj mus rau pem nroog Bokeo lawm. Tub rog Nplog liab tseem quab yuam kom tej poj niam Hmoob ua zaub ua mov rau lawv cov tub rog noj. Tus txiv neej Hmoob nyob ntawm lub zos Xaychalern uas koom tes nrog Nplog liab tua Hmoob yog Nyiaj Looj Vwj. Peb Hmoob yuav tau sib koom siab, sib pab thiab sib hlub. Nplog liab yeej tsis hlub peb Hmoob. Kev Pab Nyiaj Rau Hmoob Moj Them
Hnub tim 18 txog 20 lub 5 hlis xyoo 2007, Hmoob Moj Them tau rov thov kev pab cuam los ntawm ib tsoom
kwv tij Hmoob nyob rau ib cheeb tsam ntawm nroog St. Paul thiab Minneapolis. Ob hnub thiab ib nrab hnub xwb, ib tsoom kwv
tij neej tsa Hmoob tau tuaj pab nyiaj rau Hmoob Moj Them yam tuaj zog heev. Suav daws mob siab pab txhawb nqa Hmoob Moj Them
thiab txhawb nqa peb Hmoob lub neej heev kawg nkaus li. Ob hnub xwb, 500 tawm tus kwv tij Hmoob sib pab nroos tau ze rau $10,000.
Thov ua suav daws, tus hlob tus yau, poj niam txiv neej, tsaug ntau ntau heev.
Hnub tim 26 txog 27 lub 5 hlis no thiab, Hmoob Moj Them kuj mus thov kev pab cuam nyob rau lub nroog Oshkosh, xeev Wisconsin. Muaj 178 tus kwv tij Hmoob tau pab $1,881 nyiaj rau Hmoob Moj Them, thiab. Thov ua nej suav daws tsaug ntau ntau. Kev Sib Tua Nyob Nas Kheb
Lub 02/07/07 thaum 11:30 tsaus ntuj sab Khej Phib Xej, muaj kev sib tua nyob ntawm lub Zos Nas
Kheb, Nroog Vang Vieng (Vas Vias). Raws li cov xov Mojthem tau txais, kev sib tua zaum no yog muaj cov tub rog
Hmoob los tua lub Khaib Nplog Liab Nas Kheb vim Nplog Liab txoj kev phem lim hiam pheej tso tub rog mus
caum, tua, thiab txiav kev tsis paub cov tus rog Hmoob no nrhiav noj nrhiav haus. Kev sib tua zaum no tau siv sijhawm
ntev li 1 teev. Tom qab sib tua tag lawm, 16 tug tub rog Nplog Liab tau tag sim neej. 2 tug tub rog Hmoob tau
tag siv neej. Tub rog Hmoob txeeb tau tub rog Nplog Liab 16 rab phom AK, 1 rab phom npes 41, 1 rab phom npes 58, thiab khoom
ua tsov rog ntau yam.
Mojthem
Hnub tim 4 txog 8 lub Cuaj Hlis no, Hmoob Moj Them tau thov kev pab cuam sab nyiaj txiag los ntawm ib tsoom kwv tij neej tsa Hmoob nyob rau xeev Minnesota thiab lwm lub xeev. Ib hnub peb siv Xov Tooj Cua Hmoob Minnesota los nqua hu ib tsoom kwv tij Hmoob li ob teev los yog ob xuab moo. Tag nrho plaub hmo ntawd peb siv 8 teev los nqua hu thiab thov suav daws kev pab cuam. Ib tsoom kwv tij Hmoob sib pab nroos tau thaj tsam li $8,000. Cov nyiaj no yog thov los pab them nqe tso Hmoob Moj Them tawm rau ib tsoom Hmoob mloog. Txoj kev sib pab zaum no pom tias ib tsoom Hmoob sib pab thiab sib hlub heev, tshaj yav dhau los lawm. Muaj tej tsev neeg mas tag nrho suav daws puav leej pab. Tej tsev neeg mas pog los pab, nyab los pab. Tej tsev mas niam los pab niam tug, txiv los pab txiv tug. Tej tsev mas txiv pab txiv tug, tub pab tub tug li thiab. Hos muaj ib tus kwv tij Hmoob Yaj mas nws tseem pab rau nws txiv uas tuag lawm tug tib si kom nws txiv pab peb ib tsoom Hmoob uas niaj hnub raug kev tsim txom. Cov tsis tau pab, muaj coob leej ntau tus tseem chim thiab tu siab heev. Thov ua tsaug ntau ntau rau cov kwv tij nkauj muam Hmoob uas tau pab txhawb nqa Hmoob Moj Them. Saib cov neeg no nyob rau qhov txuas no. |
||||||||||||||||||||||||||||
|
||||||||||||||||||||||||||||
|
|
||||||||||||||||||||||||||||
|
||||||||||||||||||||||||||||
|
||||||||||||||||||||||||||||
|
||||||||||||||||||||||||||||
|
||||||||||||||||||||||||||||
|
||||||||||||||||||||||||||||
|
||||||||||||||||||||||||||||
|
|
||||||||||||||||||||||||||||
